Teoria muzikal y meiu ton di B.Leza
Por Djoy Amado, publicado na página Terreru Music no Facebook em 25.02.2022
Introduson di meiu ton alegadamenti pa B.Leza (ka ten konsensu) ê konsideradu un mumentu markanti na Morna. Mas kuzé ki efetivamenti ê ês meiu ton? Sigundo dôs figura ku otoridadi na Asuntu, Vasco Martins y Professor Djik, nun matéria publikadu na Expresso das Ilhas, kel meiu ton ê un denominason popular.
Na nos reflekson sobri es asuntu, nu prukura djobi un splikason teóriku provável, já ki nu ka konxi motivu di es denominason di meiu tom.
Di pontu di vista armoniku, si nu sta na ton di Mi (E) y na tonalidadi menor natural, kel kadensia tipiku di Meiu ton di B.Leza ê F#7 – B7 – Em. Kel F#7 e un akordi di enpréstimu modal (E Lídio) y el ê Kintu Grau di Kintu Grau di Tónica, ou seja, nes kázu F#7 ê Vº Grau de B, ki ê Vº Grau di E. EL ê un dominanti sekundáriu.
Ti li inda nu ka odja klaru es keston di meiu ton. Entretantu, oras ki nu fazi analizi di Enkadeamentu ou konduson di vozis (Voice Leading) tudu ta fika klaru.
Na teoria muzikal ê konsensual ma notas ki ta defini natureza di un akordi e Tersa e sétima, ki e notas gias (Guiding Notes). Na akordi F#7, notas gias ê A# (Tersa) y E (Setima) y na akordi B7, es é D# (Tersa) e A (Sétima).
Ora ki nu pasa di F#m7 pa B7, ten un movimentu dixsendenti di MEIU TON di kes dos notas gias di KES DOS AKORDIS. E, ki e Sétima di F#7, ta dixi pa D# ki e TERSA di B7 y A# ki ê Tersa di F#7 ta dixi pa A, Ki ê Sétima de B7, sima nu podi odja na imajen.
Quer comentar ou trocar ideias? Envie mensagem para: contato@caboverdeamusica.online